[261] EPISTOLA LXI.

IUSTUS LIPSIUS

THEODORO CANTERO Suo

S. Dico.

Ecce, Vir Amice, venit ad te HIERON. MISIGERUS Austriacus, Historicus CAROLI Archiducis, vir doctus, & ab amicis Antverpiensibus mihi commendatus. Cupit urbem vestram & te inprimis videre. Excipe illum uti meretur. De AND. SCHOTTO jampridem nihil audivi, non item de ejus scriptis. Per tempora tam funesta scis cessare commercia haec omnia literarum. ...... tuo tempore tibi spondeo & voveo. Vale & me ama: nam haec subito cogor scribere, Latore jam in procinctu. VI. Augusti.